அசத்தலான டோஃபு பன்னீர்.

தேவையான பொருட்கள்
டோஃபு பன்னீர் – 400 கிராம்
கார்ன்ஃப்ளார் – தேவைக்கேற்ப
மைதா மாவு – தேவைக்கேற்ப
பிரட்தூள்கள் – தேவையான அளவு
இஞ்சி-பூண்டு விழுது – 1 டீஸ்பூன்
ரெட் சில்லி சாஸ் – 2 டீஸ்பூன்
சோயா சாஸ் – 2 தேக்கரண்டி
எண்ணெய் – வறுக்க
மிளகுத்தூள் – சுவைக்கு ஏற்ப
உப்பு – ருசிக்கேற்ப

செய்முறை
டோஃபு பன்னீரை சதுர வடிவில் வெட்டி எடுத்துக் கொள்ளவும்.
ஒரு கண்ணாடி பவுளில் வெட்டி வைத்துள்ள டோஃபு பன்னீர், ரெட் சில்லி சாஸ், சோயா சாஸ், மிளகு தூள், உப்பு சேர்த்து கலந்து கொள்ளவும்.

பின்னர் இந்த பன்னீர் கலவையை ஒரு 15 நிமிடம் ஊறவிடவும். ஒரு தட்டில் மைதா மாவு, மற்றொரு தட்டில் பிரட் தூள்கள், ஒரு பவுளில் கார்ன்ஃப்ளார் மாவை கெட்டியாக கரைத்து எடுத்து கொள்ளுங்கள்.

டோஃபு பன்னீர் 15 நிமிடங்கள் ஊறிய பின்னர் முதலில் மைதா மாவில் டிப் செய்து பின்னர் கார்ன்ஃப்ளார் மாவில் டிப் செய்து எடுத்து கொள்ளவும். கார்ன்ஃப்ளார் மாவில் டிப் செய்த டோஃபு பன்னீரை பிரட் தூளில் நன்கு அனைத்து பக்கங்களில் பிரட்டி எடுக்கவும்.

ஒரு வாணலில் தேவையான எண்ணெய் ஊறி பிரட் தூளில் பிரட்டி வைத்திருந்த டோஃபு பன்னீரை போட்டு நன்கு பொன்னிறம் வரும் வரை பொறித்து எடுக்கவும். டோஃபு பன்னீர் நகட்ஸ் ரெடி. இதனுடன் தக்காளி சாஸ் வைத்து சாப்பிட கொடுத்தால் சிறியவர்கள் முதல் பெரியவர்கள் விரும்பி சாப்பிடுவார்கள்.