தேவையான பொருட்கள்
ஓட்ஸ் – 1 கப்
அரிசி மாவு – ¼ கப்
கோதுமை மாவு – ¼ கப்
வெங்காயம் – 1 நறுக்கியது
பச்சை மிளகாய் – 1 நறுக்கியது
இஞ்சி – 1 தேக்கரண்டி நறுக்கியது
சீரகம் – 1 தேக்கரண்டி
கருப்பு மிளகு தூள் – 1 தேக்கரண்டி
கொத்தமல்லி இலைகள் – 1 தேக்கரண்டி
உப்பு – சுவைக்கு ஏற்ப
தண்ணீர் – தேவைக்கேற்ப
செய்முறை
ஒரு பத்திரத்தில் ஓட்ஸ், கோதுமைமாவு, அரிசி மாவு, இஞ்சி, பச்சை மிளகாய், கறிவேப்பிலை, மிளகு, சீரகம், மற்றும் உப்பு ஆகியவற்றை எடுத்துக் கொள்ளவும்
இவை அனைத்தையும் நன்றாக கலந்து கொள்ளவும். பின்னர் கொஞ்சம் கொஞ்சமாக தண்ணீர் சேர்த்து தோசை மாவு பதத்திற்கு கரைத்துக் கொள்ளவும்.
பின்னர் அடுப்பில் தோசை கல்லை வைத்து சூடாக்கவும். பின்னர் சிறிது எண்ணெய் தடவவும். ஒரு குழி கரண்டி அளவு ஓட்ஸ் மாவை எடுத்து தோசை கல்லில் நல்ல வட்ட வடிவமாக ஊத்தவும்
இந்த தோசையை மிதமான தீயில் வைத்து செய்யவும். தோசை பொன்னிறமானதும் எடுத்து பரிமாறலாம். இந்த தோசையை புரட்டி போட அவசியம் இல்லை.
