மக்காச்சோளம் சாப்பிடுவதால் கிடைக்கும் நன்மைகள்….

ஸ்வீட் கார்ன் அல்லது மக்காச்சோளத்தில் பீட்டா கரோட்டீன், விற்றமின் B, தயாமின், நியாசின், மக்னீசியம், பாஸ்பரஸ், மாங்கனீஸ், துத்தநாகம், அஸ்கார்பிக் அமிலம், ஃபோலிக் அமிலம் போன்ற எண்ணற்ற ஊட்டச்சத்துக்களும், அமிலங்களும் நிறைந்துள்ளன.

குளிர்காலம் நெருங்கும் நிலையில், நமது உணவு விஷயத்தில் கவனமாக இருந்தால், பல உடல் நல பிரச்சனைகளை தவிர்க்கலாம். அந்த வகையில், உங்கள் உணவில் மக்காச்சோளத்தைச் சேர்த்துக்கொள்ளவதால், எண்ணற்ற நன்மைகள் கிடைக்கும். ஸ்வீட் கார்ன் அல்லது மக்காச்சோளத்தை ஒரு சூப்பர்ஃபுட் எனலாம். இதில் பீட்டா கரோட்டீன், விற்றமின் B, தயாமின், நியாசின், மக்னீசியம், பாஸ்பரஸ், மாங்கனீஸ், துத்தநாகம், அஸ்கார்பிக் அமிலம், ஃபோலிக் அமிலம் போன்ற எண்ணற்ற ஊட்டச்சத்துக்களும், அமிலங்களும் நிறைந்துள்ளன.

மூளை ஆற்றல்

மக்காசோளத்தை உட்கொள்வது அறிவாற்றலை மேம்படுத்தி ஞாபக சக்தியை அதிகரிக்கும். வயதானவர்களுக்கு ஏற்படும் மறதி நோயிலிருந்து பாதுகாக்க பயனுள்ளதாக (Health Tips) இருக்கும். சோளத்தில் அதிக அளவு தயாமின் என்னும் விற்றமின் பி1 உள்ளது. இது நினைவாற்றலை அதிகரிக்கக் கூடியது. இதில் உள்ள அசிடைல்கொலின் முதுமையில் ஏற்படும் அல்சைமர் நோய் அபாயத்தைக் குறைக்கிறது.

உடல் பருமன்

மக்காசோளத்தில் நார்ச்சத்து நிறைந்துள்ளதால், உடல் கொழுப்பு எரிக்கப்பட்டு உடல் பருமன் குறையும். செரிமானம் ஆரோக்கியமாக இருக்கவும் உதவும். உடல் எடையை குறைக்க செரிமானம் சிறப்பாக இருப்பது முக்கியம். அதோடு, மக்காச்சோளம் பசியைத் தணித்து, வயிறு நிரம்பிய உணர்வைத் தருகிறது.

கண் பார்வை கூர்மை

மக்காச்சோளத்தில் பீட்டா கரோட்டின் அதிகம் உள்ளதால், இதனை அடிக்கடி சாப்பிட்டு வருபவர்களுக்கு கண்பார்வை கூர்மையாக இருக்கும் என்கின்றனர் வல்லுநர்கள். மேலும், இதில் கண் பார்வைத் திறனை அதிகரிக்கும் கரோடெனாய்டுகள், விற்றமின் சி, விற்றமின் ஈ ஆகிய ஊட்டச்சத்துக்கள் உள்ளது.

இதய ஆரோக்கியம்

நார்ச்சத்து நிறைந்த மக்காசோளத்தை அடிக்கடி உட்கொள்வது இரத்த அழுத்தத்தை கட்டுக்குள் வைத்து கெட்ட கொலஸ்ட்ராலை குறைக்கிறது. எல்டிஎல் கொழுப்பைக் கட்டுப்படுத்தி, மாரடைப்பு, பக்கவாதம், இதய நோய்கள் ஆகியவை வராமல் தடுக்கிறது.

கரு வளர்ச்சி

கர்ப்பிணிகளுக்கான சிறந்த உணவ மக்காச்சோள. இதில் விற்றமின் பி9 என்றும் அழைக்கப்படும் ஃபோலேட் நிறைந்துள்ளது. கர்ப்ப காலத்தில் ஃபோலேட் ஊட்டச்சத்து மிக அவசியம். கருப்பையில் குழந்தையின் வளர்ச்சிக்கு முக்கிய பங்களிக்கிறது.

இளமை

சோளம் விற்றமின் சி மற்றும் ஆன்டி-ஆக்ஸிடண்ட் நிறைந்துள்ளதால், சருமத்தின் கொலாஜன் உற்பத்தியை அதிகரிக்க செய்து இளமையை காக்கிறது. கூந்தல் ஆரோக்கியம் சிறப்பாக இருக்கவும் மக்காசோளம் உதவும்.