கனடாவின் டொரண்டோ, ஸ்காப்ரோ பகுதியில் இரண்டு பாலியல் வன்முறை சம்பவங்களுடன் தொடர்புடையதாக சந்தேகிக்கப்படும் ஒருவரை நகர பொலிஸார் தீவிரமாக தேடி வருகின்றனர்.
ஸ்காப்ரோ டவுன் சென்டரில் ஒரு பெண் தனது நண்பருடன் பொருள் கொள்வனவில் ஈடுபட்டிருந்த போது, ஒரு நபர் பாலியல் தொந்தரவில் ஈடுபட்டுள்ளார் .
Toronto Transit Commission நிலையத்திற்கருகில் ஒரு பெண் பேரூந்துக்காக காத்திருந்த நிலையில் குறித்த சந்தேக நபர் பாலியல் தீண்டலில் ஈடுபட்டதையடுத்து தப்பி ஓடியுள்ளார்.
பொலிசாரின் விசாரணையில் இந்த இரு சம்பவங்களிலும் ஒரே நபரே சம்பந்தப்பட்டிருக்கலாம் என சந்தேகிக்கப்படுகிறது.
சந்தேக நபர் ஆறு அடி உயரத்தையும், தடிப்பான உடல் அமைப்பினையும் குறுகிய கறுப்பு தாடி வைத்திருப்பவர் எனவும் தெரிவிக்கப்படுகின்றது.
இந்த நபரைப்பற்றிய தகவல் தெரிந்தால், அல்லது அவரை அடையாளம் காண முடிந்தால், டொரண்டோ பொலிசாரை தொடர்புகொள்ளுமாறு பொதுமக்களிடம் கோரப்பட்டுள்ளது.
