கேப்டன் விஜயகாந்தின் இளைய மகன் சண்முக பாண்டியன் திரைப்படங்களில் நாயகனாக நடித்து வருகின்றார்.
இந்நிலையில், தற்போது ‘படைத்தலைவன்’ என்ற திரைப்படத்தில் நடித்து வருகின்றார்.
டிரைக்டர்ஸ் சினிமாஸ் தயாரிக்கும் இத்திரைப்படத்தை இயக்குநர் அன்பு இயக்குகின்றார்.
மேலும், இத் திரைப்படத்திற்கு இசையமைப்பாளர் இளையராஜா இசையமைத்துள்ளார்.
கடந்த வருடம் விஜயகாந்தின் பிறந்தநாளை ஒட்டி இத் திரைப்படத்தின் பர்ஸ்ட் லுக் போஸ்டர் வெளியிடப்பட்டது.
இத் திரைப்படத்தில் கஸ்தூரி ராஜா, எம் எஸ் பாஸ்கர், யாமினி சந்தர் ஆகியோர் முக்கிய கதாபாத்திரங்களில் நடித்துள்ளனர்.
புதுமையான திரைக்கதையில் காட்டுக்குள் நடக்கும் கதைக்களத்தில் பரபரப்பான திருப்பங்களுடன் இத் திரைப்படத்தின் திரைக்கதை உருவாக்கப்பட்டுள்ளது எனப் படக்குழு அறிவித்துள்ளது.
‘படை தலைவன்’ படம் மே 23ம் திகதி வெளியாக இருந்த நிலையில், திரையரங்கு ஒதுக்கீட்டு சிக்கல்கள் காரணமாக பட வெளியீடு தள்ளிவைக்கப்பட்டிருந்தது.
இந்நிலையில் ‘படை தலைவன்’ திரைப்படம் வருகின்ற 13ம் திகதி வெளியாகும் எனப் படக்குழு அறிவித்துள்ளது.
