நடிகர் ஆர்யா தயாரிப்பில், ஆர்யா, வைஷ்ணவி சைதன்யா மற்றும் நிகிலா விமல் நடிப்பில் உருவாகியுள்ள புதிய திரைப்படமான ‘ஹலோ பிரேமா’ படத்தின் பர்ஸ்ட் லுக் போஸ்டர் வெளியிடப்பட்டுள்ளது.
இப்படத்தை இளம் இயக்குனர் நிகில் முரளி இயக்குகிறார். தமிழ் சினிமாவின் முன்னணி இசையமைப்பாளரான ஜி.வி. பிரகாஷ் குமார் இப்படத்திற்கு இசையமைக்கிறார்.
சுனு ஏ.வி மற்றும் ஜோதிஷ் எம் இப்படத்தின் கதையை எழுதியுள்ளனர். பிரபல இயக்குனர் மற்றும் திரைக்கதை எழுத்தாளரான ஹலிதா ஷமீம் இப்படத்தின் கூடுதல் திரைக்கதையை அமைத்துள்ளார்.
ஜீவா சங்கர் ஒளிப்பதிவு செய்ய, சீனு நெப்போலியன் படத்தொகுப்பு பணிகளை மேற்கொள்கிறார். கலை இயக்குனராக ஏ.ஆர். மோகன் பணியாற்றியுள்ளார்.
‘ஹலோ பிரேமா’ திரைப்படம் வரும் டிசம்பர் 04 அன்று திரையரங்குகளில் மிக பிரம்மாண்டமாக வெளியாகவுள்ளதாக இந்த போஸ்டரில் குறிப்பிடப்பட்டுள்ளது.
