OpenAI நிறுவனம், இலவச ChatGPT பயனர்களுக்கான சேவையை விரிவுபடுத்தும் வகையில், GPT-5.6 Luna மொடலை இயல்புநிலை மொடலாக மாற்றுவதுடன், வரம்பற்ற உரைவழி உரையாடல்களை வழங்கவுள்ளதாக அறிவித்துள்ளது.
இம்மாற்றம் இந்த வாரம் முதல் படிப்படியாக அமுல்படுத்தப்படவுள்ளதுடன், அடுத்த வாரம் முதல் இலவச மற்றும் Go பயனர்களுக்கு வரம்பற்ற உரைவழி உரையாடல்கள் கிடைக்கும் என OpenAI தெரிவித்துள்ளது.
கடினமான கேள்விகளுக்கு அதிக சிந்தனையுடன் பதிலளிக்க, இலவச பயனர்களுக்கு புதிய “Think” வசதியும் அறிமுகப்படுத்தப்படவுள்ளது. எனினும், கோப்புகளைப் பதிவேற்றுதல், படங்களை உருவாக்குதல் உள்ளிட்ட ஏனைய வசதிகளுக்கு தொடர்ந்து பயன்பாட்டு வரம்புகள் இருக்கும்.
இதனிடையே, Plus மற்றும் Pro சந்தாதாரர்களுக்கான GPT-5.6 Sol மொடலும் மேம்படுத்தப்பட்டுள்ளது. குறிப்பாக தேதிகள், எண்கள், ஆதாரங்கள், விதிமுறைகள் மற்றும் அனுமானங்கள் தொடர்பான பதில்களில் தவறுகளைக் குறைக்கும் வகையில் இந்த மொடல் மேம்படுத்தப்பட்டுள்ளதாக OpenAI தெரிவித்துள்ளது.
மேலும், பதில்களை மிகவும் நேரடியாகவும் தெளிவாகவும் வழங்குவதுடன், தேவையற்ற விவரங்கள் மற்றும் அதிகப்படியான வடிவமைப்புகளைத் தவிர்க்கும் வகையிலும் GPT-5.6 Sol மேம்படுத்தப்பட்டுள்ளதாக அந்நிறுவனம் தெரிவித்துள்ளது.
