நடிகை கீர்த்தி சுரேஷ் மற்றும் இயக்குநர் மிஷ்கின் பிரதான கதாபாத்திரங்களில் நடித்துள்ள ‘சத்தியவான் சாவித்திரி’ திரைப்படம் எதிர்வரும் நவம்பர் 20ஆம் திகதி உலகமெங்கும் திரையரங்குகளில் வெளியாகும் என படக்குழுவினர் அதிகாரப்பூர்வமாக அறிவித்துள்ளனர்.
பிரவீன் எஸ். விஜய் இயக்கத்தில் உருவாகியுள்ள இத்திரைப்படம் ஒரு நீதிமன்றக் கதைக் களத்தை (Courtroom drama) மையமாகக் கொண்டு உருவாக்கப்பட்டுள்ளது.
இதில் நீதி மற்றும் நியாயத்திற்காகத் தனது வழிகாட்டியையே எதிர்த்துப் போராடும் ஒரு வலுவான கதாபாத்திரத்தில் கீர்த்தி சுரேஷ் நடித்துள்ளார்.
சாம் சி.எஸ் இசையமைத்துள்ள இத்திரைப்படத்தில் பாலசரவணன், பாலாஜி சக்திவேல், ஆர். சுந்தர்ராஜன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
திரைப்படத்தின் போஸ்டர்கள் மற்றும் மேலதிக விபரங்கள் ஏற்கனவே வெளியாகி ரசிகர்களிடையே நல்ல வரவேற்பைப் பெற்றிருந்த நிலையில், தற்போது இதன் வெளியீட்டு தேதி அறிவிக்கப்பட்டுள்ளதால் ரசிகர்கள் மத்தியில் எதிர்பார்ப்பு அதிகரித்துள்ளது.
