வவுனியா மாநகர எல்லைக்குட்பட்ட அனைத்துப் பாடசாலைகளையும் பொலித்தீன் மற்றும் பிளாஸ்டிக் அற்ற பாடசாலைகளாக மாற்றும் திட்டம் இன்றையதினம் (15.10.2026) ஆரம்பித்து வைக்கப்பட்டது.
வவுனியா மாநகர சபையின் தீர்மானத்திற்கு அமைவாக, மாநகர எல்லைக்குட்பட்ட பாடசாலைகளைப் பொலித்தீன் மற்றும் பிளாஸ்டிக் அற்ற நிலைக்குக் கொண்டுவரும் சுற்றுச்சூழல் பாதுகாப்புத் திட்டம் தற்போது நடைமுறைப்படுத்தப்பட்டு வருகின்றது.
வவுனியா மாநகர முதல்வரின் சிந்தனையில் உருவாக்கப்பட்ட இத்திட்டத்தின் ஆரம்ப நிகழ்வு, வவுனியா தாண்டிக்குளம் பிரமண்டு வித்தியாலயத்தில் பாடசாலை அதிபரின் தலைமையில் நடைபெற்றது.
வவுனியா மாநகர முதல்வர் சுந்தரலிங்கம் காண்டீபன் அவர்களின் அழைப்பின் பேரில் நடைபெற்ற இந்நிகழ்வில், நாடாளுமன்ற உறுப்பினர் வைத்தியர் திலகநாதன், மத்திய சுற்றாடல் அதிகார சபையின் வவுனியா மாவட்ட உதவிப் பணிப்பாளர் பசுபதி தவகிருபா, வவுனியா மாநகர சபையின் பொதுச் சுகாதாரப் பரிசோதகர் தரங்க உள்ளிட்ட பலர் கலந்துகொண்டனர்.
