தமிழக அரசியலில் கூட்டணி சார்ந்த சலசலப்புகளும் தொண்டர்களிடையேயான கருத்து மோதல்களும் தீவிரமடைந்து வரும் சூழலில், விடுதலைச் சிறுத்தைகள் கட்சியின் பொதுச்செயலாளரும் சட்டமன்ற உறுப்பினருமான சிந்தனைச் செல்வன் வெளியிட்டுள்ள சமூக வலைதளப் பதிவு அரசியல் வட்டாரத்தில் பெரும் அதிர்வலைகளை ஏற்படுத்தியுள்ளது.
ரஷ்ய எழுத்தாளர் ஆண்டன் செக்கோவின் புகழ்பெற்ற கருத்துகளை மேற்கோள் காட்டி அவர் பகிர்ந்துள்ள செய்தி, தற்போது இணையத்தில் மிகத் தீவிரமாக விவாதிக்கப்பட்டு வருகிறது.
தோல்வியடைந்த ஒரு சமூகத்தின் இயல்புகளை விவரிக்கும் ஆண்டன் செக்கோவின் வரிகளைச் சுட்டிக்காட்டியுள்ள அவர், ஆரோக்கியமாகச் சிந்திக்கும் ஒவ்வொரு மனிதனுக்கும் எதிராக ஆயிரம் முட்டாள்கள் களத்தில் நிற்கும் நிலையை விமர்சித்துள்ளார்.
சிந்தனையோடும் கரிசனையோடும் பேசப்படும் ஒவ்வொரு நல்ல சொல்லுக்கும் எதிராக தீவிரமான முட்டாள்தனமான சொற்கள் உதிர்க்கப்படுவதாகவும், அற்பமான விஷயங்கள் பெரிதாக்கப்பட்டு நல்லுணர்வு சிந்தனைகள் புறந்தள்ளப்படும் சமூகமே தோல்வியடைந்த சமூகம் என்றும் அப்பதிவில் சுட்டிக்காட்டப்பட்டுள்ளது.
சலசலப்புகளுக்கு மத்தியில் சிந்தனைச் செல்வன் பகிர்ந்துள்ள இந்த மறைமுகச் சாடல், தமிழக அரசியல் களத்தில் புதிய விவாதத்தை ஏற்படுத்தியுள்ளது.
