நியூஃபவுண்ட்லாந்து மாகாணத்தில் உள்ள ஹோலிரூட் நகரில் பரவி வரும் கட்டுக்கடங்காத காட்டுத்தீ காரணமாக, அப்பகுதியில் வசிக்கும் மக்கள் அவசரமாக வெளியேற்றப்பட்டு வருகின்றனர்.
இதன் அண்டை நகரமான கன்செப்ஷன் பே சௌத் (Conception Bay South – C.B.S.) பகுதியிலும் இதனால் பாதிப்பு ஏற்பட்டுள்ளது.
இந்தக் காட்டுத்தீயால், ஹோலிரூட் நகரின் முக்கியச் சாலையான ரூட் 60 (Route 60) மூடப்பட்டுள்ளது.
குறிப்பாக, பியுமான்ட் பிளேஸ் (Beaumont Place) முதல் C.B.S. நகரின் நுழைவாயிலில் உள்ள பாலம் வரையிலான பகுதி, மூடப்பட்டுள்ளதாக காவல்துறை தெரிவித்துள்ளது.
தீயை அணைக்கும் பணியில் உள்ளூர் தீயணைப்புத் துறையுடன், விமானப் படையினரும் இணைந்து செயல்பட்டு வருகின்றனர்.
காட்டுத்தீயானது நகரத்தின் வெப்ப மின் உற்பத்தி நிலையத்திற்கு (thermal generating station) அருகில் பரவி வருவதால், அனைத்து அத்தியாவசியமற்ற ஊழியர்களும் அங்கிருந்து வெளியேற்றப்பட்டுள்ளமை குறிப்பிடத் தக்கது.
