ஆசிய கிண்ண கிரிக்கெட் தொடர் வரும் செப்டம்பர் 9ஆம் திகதி முதல் 28ம் திகதி வரை ஐக்கிய அரபு அமீரகத்தில் நடைபெறவுள்ளது.
ரி20 வடிவில் நடைபெறும் இந்த தொடரில் இலங்கை, இந்தியா, பாகிஸ்தான், இலங்கை, பங்களாதேஷ், ஆப்கானிஸ்தான், யுஏஇ, ஓமன் உள்பட 8 அணிகள் பங்கேற்கின்றன.
தலா 4 அணிகள் என இரு பிரிவுகளாக பிரிக்கப்பட்டு லீக் சுற்று நடக்கிறது. இதில் இரு பிரிவிலும் 2 இடங்களை பிடிக்கும் அணிகள் சூப்பர் 4 சுற்றுக்கு தகுதி பெறும். இந்த சுற்றில் முதல் இரு இடங்களைப் பிடிக்கும் அணிகள் 28ஆம்திகதி இறுதிச்சுற்றில் மோதும்.
இந்த தொடருக்கான இந்திய அணி வரும் 19ஆம் திகதி அறிவிக்கப்பட உள்ளது. மும்பையில் தெரிவு குழு தலைவர் அஜித் அகர்கர் தலைமையிலான தெரிவு குழுவினர் கூடி அணியை தெரிவு செய்ய உள்ளனர்.
இதில் அணித்தலைவர் சூர்யகுமார் யாதவ், பயிற்சியாளர் கௌதம் கம்பீரும் கலந்து கொள்கின்றனர். தொடர்ந்து அஜித் அகர்கர் பத்திரிகையாளர்களை சந்திப்பார் என அறிவிக்கப்பட்டுள்ளது.
