இலங்கை இராணுவத்தின் 26ஆவது தளபதியாக லெப்டினன்ட் ஜெனரல் நிலந்த பிரேமரத்ன நியமிக்கப்பட்டுள்ளார்.
ஜனாதிபதியும் ஆயுதப்படைகளின் தலைமைத் தளபதியுமான அனுர குமார திஸாநாயக்க இந்த நியமனத்தை வழங்கியுள்ளதாக பாதுகாப்பு அமைச்சு தெரிவித்துள்ளது.
தற்போது இராணுவத்தின் பிரதம அதிகாரியாக (Chief of Staff) பணியாற்றி வந்த நிலந்த பிரேமரத்ன, புதிய பதவியுடன் லெப்டினன்ட் ஜெனரல் பதவிக்கும் உயர்த்தப்பட்டுள்ளார்.
புதிய இராணுவத் தளபதியாக அவர், தனது பதவிக்காலத்தை நிறைவு செய்த லெப்டினன்ட் ஜெனரல் லசந்த ரொட்ரிகோவுக்கு அடுத்ததாக பொறுப்பேற்கிறார்.
1990ஆம் ஆண்டு இலங்கை இராணுவத்தில் அதிகாரி பயிற்சியாளராக இணைந்த நிலந்த பிரேமரத்ன, 1992ஆம் ஆண்டு அதிகாரியாக நியமிக்கப்பட்டு இலங்கை பீரங்கிப் படையில் தனது சேவையைத் தொடங்கினார். இராணுவத்தில் பல முக்கிய கட்டளை மற்றும் நிர்வாகப் பொறுப்புகளை வகித்துள்ள அவர், நீண்டகால சேவைக்குப் பின்னர் நாட்டின் புதிய இராணுவத் தளபதியாக பொறுப்பேற்கிறார்.
