ஆர்த்தபாஸ்கா (Arthabaska) இடைத்தேர்தலில் Parti Québécois கட்சி வெற்றி பெற்று, கியூபெக் மாகாணத்தின் சட்டமன்றத்தில் தனது ஆறாவது இடத்தை உறுதி செய்துள்ளது.
அக்கட்சி வேட்பாளர் அலெக்ஸ் போயிஸோனால்ட், 46.29 சதவீத வாக்குகளைப் பெற்று, தம்மை எதிர்த்துப் போட்டியிட்ட கன்சர்வேடிவ் கட்சித் தலைவர் எரிக் டுஹெய்மைத் தோற்கடித்துள்ளார்.
இந்த இடைத்தேர்தல் இடம்பெற்ற தேர்தல் தொகுதியானது 2012-ஆம் ஆண்டு முதல் Coalition Avenir Québec கட்சி தொடர்ச்சியாக வெற்றி பெற்று வந்த தொகுதி ஆகும்.
இத்தொகுதியைக் கைப்பற்றியுள்ளதால், Parti Québécois கட்சிக்கு இது ஒரு குறிப்பிடத்தக்க வெற்றியாகக் கருதப்படுகிறது.
அந்த கட்சியின் தலைவர் பால் செயின்ட்-பியர் பிளமண்டன், மாகாணத்தின் கலாசாரம் மற்றும் மொழியைப் பாதுகாப்பதற்கான தங்கள் கட்சியின் உறுதிப்பாட்டை வலியுறுத்தினார்.
இந்த தேர்தலில், ஆளும் கட்சியான Coalition Avenir Québec, வெறும் 7% வாக்குகளைப் பெற்று நான்காவது இடத்திற்கு தள்ளப்பட்டமை சுட்டிக்காட்டத்தக்கது.
