மொண்ட்ரியல் நகரில் உள்ள புகழ்பெற்ற கலை மையங்களில் ஒன்றான ‘டுரோஷர் அவென்யூ’ (Durocher Ave) தொழிற்பேட்டைக் கட்டிடத்தை இடித்துவிட்டு, அங்கு பாரிய அடுக்குமாடி குடியிருப்புகளைக் கட்டுவதற்கு, தனியார் கட்டுமான நிறுவனங்கள் திட்டமிட்டுள்ளன.
மொண்ட்ரியலின் சுயாதீனக் கலைக் கலாசாரத்தின் அடையாளமாகத் திகழும் இக்கட்டிடத்தைப் பாதுகாப்பதற்காக, அங்குள்ள உள்ளூர் கலைஞர்கள் தற்போது ஒன்றிணைந்து தீவிரப் போராட்டத்தில் ஈடுபட்டுள்ளனர்.
1919-ஆம் ஆண்டு கட்டப்பட்ட நூற்றாண்டுப் பழமையான சிவப்புச் செங்கல் தொழிற்பேட்டைக் கட்டிடமான இது, மொண்ட்ரியலின் மைல்-எக்ஸ் பகுதியில், பியூபியன் அவென்யூ வெஸ்ட் மற்றும் டுரோஷர் தெரு சந்திப்பில் அமைந்துள்ளது.
அதனை இடித்துவிட்டு, அந்த இடத்தில் பாரிய குடியிருப்புகளைக் கட்டி, 176 வாடகை அலகுகள் மற்றும் வணிக வளாகங்களை உருவாக்குவதற்கான திட்ட வரைவு ஆவணம், Outremont நகர சபைக்குச் சமர்ப்பிக்கப்பட்டுள்ளது.
அந்த நகரசபையும் முதற்கட்ட வரைவுத் தீர்மானத்தை ஏற்றுக்கொண்டுள்ளது.
இந்த நிலையிலேயே, உள்ளூர் கலைஞர்கள் இந்தப் போராட்டத்தை முன்னெடுத்துள்ளமை குறிப்பிடத்தக்கது.
