தமிழ் திரையுலகில் மிகப்பெரிய வெற்றிப் படங்களை அளித்த நடிகர் ஜீவா, இயக்குநர் எம். ராஜேஷ் மற்றும் இசையமைப்பாளர் யுவன் சங்கர் ராஜா ஆகிய மூவரும் சுமார் 16 ஆண்டுகளுக்குப் பிறகு மீண்டும் இணைந்துள்ள திரைப்படம் ‘ஜாலியா இருந்த ஒருத்தன்’.
மாலிக் ஸ்ட்ரீம்ஸ் கார்ப்பரேஷன் சார்பில் டத்தோ அப்துல் மாலிக் பிரம்மாண்டமாகத் தயாரிக்கும் இத்திரைப்படத்தில் இவானா கதாநாயகியாக நடிக்க, பரிதாபங்கள் சுதாகர், மூத்த நடிகர் எம்.எஸ்.பாஸ்கர் உள்ளிட்டோர் முக்கியக் கதாபாத்திரங்களில் நடித்துள்ளனர்.
ரசிகர்களிடையே பெரும் எதிர்பார்ப்பை ஏற்படுத்தியுள்ள இத்திரைப்படத்தின் முதல் பாடலான ‘ஜியோ ஜியாலே’ தற்போது உத்தியோகபூர்வமாக வெளியிடப்பட்டுள்ளது.
யுவன் சங்கர் ராஜாவின் துள்ளலான இசையில் உருவாகியுள்ள இப்பாடல் வெளியானது முதல் இணையத்தில் ரசிகர்களின் கவனத்தை ஈர்த்து வைரலாகி வருகிறது.
நீண்ட இடைவெளிக்குப் பிறகு ரசிகர்களைக் கவரும் வகையிலான காமெடி மற்றும் குடும்பப் பின்னணியில் இக்கூட்டணி மீண்டும் இணைந்துள்ளதால் படத்திற்கான எதிர்பார்ப்பு அதிகரித்துள்ளது.
