‘நாட்டை கட்டியெழுப்பும் இளைஞர் சக்தி’ என்ற தொனிப்பொருளில், நாடு தழுவிய ரீதியில் தேசிய மக்கள் சக்தி கட்சியின் சோசலிச இளைஞர் சங்கத்தால் இளைஞர்களை ஒழுங்குபடுத்தி நாட்டிற்கு தேவையான இளம் தலை முறைகளை வெளிக்கொண்டுவரும் ஒரு பாரிய செயற்திட்டம் முன்னெடுக்கப்படுகின்றது.
அதன் முதற்கட்டமாக வடமாகாணத்தில் மன்னார் மாந்தை மேற்கு பிரதேச செயலாளர் பிரிவுக்குட்பட்ட இளைஞர்களை உள்ளடக்கிய ‘நாட்டை கட்டியெழுப்பும் இளைஞர் சக்தி’ எனும் தொனிப்பொருளில் இளைஞர் மாநாடு நேற்றைய தினம் ஞாயிற்றுக்கிழமை மாலை மாந்தை மேற்கு கூட்டுறவு மண்டபத்தில்.இளைஞர் விவகார மற்றும் விளையாட்டுத்துறை பிரதி அமைச்சர் தினிது சமன் தலைமையில் இடம்பெற்றது.
இம்மாநாட்டில் வன்னி மாவட்ட பாராளுமன்ற உறுப்பினர் ஜெகதீஸ்வரன் மற்றும் வடமாகாண வீதி போக்குவரத்து அதிகார சபையின் தலைவர், பிரதேச சபை உறுப்பினர்கள், மாந்தை மேற்கு பிரதேச இளைஞர்கள் என பலரும் கலந்து கொண்டிருந்தனர்
மாந்தை மேற்கு பிரதேச சோசலிச இளைஞர் சங்கத்திற்கான நிர்வாக உறுப்பினர்கள் தெரிவு செய்யப்பட்டமை குறிப்பிடத்தக்கது.
