மத்திய அரசாங்கத்திடமிருந்து பெருமளவு நிதி ஒதுக்கீடு செய்யப்பட்ட போதிலும், பாதுகாப்புத் துறையானது மீண்டும் கடுமையான உள்நாட்டுச் செலவுக் குறைப்பு நடவடிக்கைகளை எதிர்கொள்ள உள்ளதாகத் தகவல்கள் வெளியாகியுள்ளன.
தேசியப் பாதுகாப்புத் துறைக்குக் கூடுதல் நிதிகள் வழங்கப்பட்டிருந்தாலும், கடந்த கால மற்றும் தற்போதைய வரவு-செலவுத் திட்டக் கொள்கைகளுக்கு இடையே ஏற்பட்டுள்ள முரண்பாடுகளால் இந்த நெருக்கடி நிலை உருவாகியுள்ளதாகத்
தெரிவிக்கப்பட்டுள்ளது.
முக்கியமான புதிய போர் உபகரணங்களைக் கொள்வனவு செய்வது போன்ற முன்னுரிமைப் பகுதிகளில் மட்டுமே தங்களது பில்லியன் கணக்கான கூடுதல் நிதியைச் செலவிடுமாறு தேசியப் பாதுகாப்புத் துறைக்கு அறிவுறுத்தப்பட்டுள்ளது.
அதேவேளையில், ட்ரூடோ அரசாங்கத்தினால் 2023 ஆம் ஆண்டில் அறிவிக்கப்பட்டு, 2024 ஆம் ஆண்டு வரவு-செலவுத் திட்டத்தில் அமுல்படுத்தப்பட்ட செயற்பாடுகள் மற்றும் பராமரிப்புச் செலவுக் குறைப்பு நடவடிக்கைகளும் தொடர்ந்து அமுலில் உள்ளன.
முன்னாள் பாதுகாப்பு அமைச்சர் பில் பிளேயரால் உள்நாட்டு நிதி ஒதுக்கீட்டு மாற்றமாக அறிவிக்கப்பட்ட இந்த நிதிக்குறைப்புகளின் கீழ், அறிமுகப்படுத்தப்பட்ட ஆண்டில் 810 மில்லியன் டொலர் குறைக்கப்பட்டதுடன், அதனைத் தொடர்ந்து ஒவ்வொரு ஆண்டும் 908 மில்லியன் டொலர் வரை குறைப்பதற்குத் திட்டமிடப்பட்டது.
பெயர் வெளியிட விரும்பாத மத்திய அதிகாரி ஒருவர், முந்தைய அரசாங்கத்தின் இந்த வரவு-செலவுத் திட்ட உத்தரவு இன்னும் வாபஸ் பெறப்படவில்லை என்பதையும், அந்த அட்டவணை மாற்றமின்றி தொடர்வதையும் உறுதிப்படுத்தியுள்ளார்.
