மொன்றியல் நகரின் மையப்பகுதியில் கடந்த மாதம் பெண் ஒருவர் படுகொலை செய்யப்பட்ட சம்பவம் தொடர்பில் நபர் ஒருவர் கைது செய்யப்பட்டுள்ளதாக மொன்றியல் காவல்துறையினர் (SPVM) தெரிவித்துள்ளனர்.
வில்-மரி (Ville-Marie) பகுதியில் கடந்த செப்டம்பர் மாதம் இடம்பெற்ற இந்தச் கொலைச் சம்பவம் தொடர்பாக, 33 வயதுடைய யூசெப் மூசாவி (Youcef Moussaoui) என்பவருக்கு எதிராகக் கைது ஆணை பிறப்பிக்கப்பட்டிருந்த நிலையில், அவர் தற்போது கைது செய்யப்பட்டுள்ளார்.
இன்று நீதிமன்றத்தில் ஆஜர்படுத்தப்படவுள்ள அவர் மீது முதல்நிலைக் கொலைக் குற்றச்சாட்டு பதிவு செய்யப்படவுள்ளதாகக் காவல்துறையினர் குறிப்பிட்டுள்ளனர்.
இது நெருங்கிய நபர்களுக்கு இடையிலான குடும்ப வன்முறைச் சம்பவம் அல்லவெனக் காவல்துறையினர் தெளிவுபடுத்தியுள்ளனர்.
எனினும், இந்தக் கொலைக்கான சாத்தியமான நோக்கங்கள் மற்றும் திரட்டப்பட்ட சாட்சியங்கள் நீதிமன்ற விசாரணையின் போது, பகிரப்படும் எனத் தெரிவிக்கப்பட்டுள்ளது.
