கிளிநொச்சியில் அண்மையில் உயிரிழந்த ‘காவந்தி’ யானையின் மரணம் தொடர்பில், சுற்றாடல் அமைச்சரான தம்மிக்க பட்டபெந்தி ஊடகங்களுக்குக் கருத்துத் தெரிவித்துள்ளார்.
உடல்நலக் குறைவு காரணமாகவே காவந்தி யானை உயிரிழந்துள்ளதாக அமைச்சர் குறிப்பிட்டுள்ளார்.
கடந்த காலத்திலும் உடல்நலக் குறைவால் பாதிக்கப்பட்டிருந்த இந்த யானை, சிகிச்சைகளின் பின்னர் குணமடைந்திருந்ததாகவும், மீண்டும் உடல்நலக் குறைவு ஏற்பட்ட நிலையில் உயிரிழந்துள்ளதாகவும் அவர் தெரிவித்துள்ளார்.
யானையின் உடல்நிலையைக் கண்காணிப்பதற்கும் தேவையான சிகிச்சைகளை வழங்குவதற்கும் சுற்றாடல் அமைச்சு, வனவிலங்கு பாதுகாப்புத் திணைக்களம் மற்றும் கால்நடை மருத்துவர்கள் இணைந்து நடவடிக்கைகளை மேற்கொண்டதாகவும் தெரிவிக்கப்பட்டுள்ளது.
மேலும், யானையின் உடல்நிலை தொடர்பில் தொடர்ந்து கண்காணிப்புகள் மேற்கொள்ளப்பட்டதுடன், மருத்துவ ஆலோசனைகளும் பெறப்பட்டதாகக் குறிப்பிடப்பட்டுள்ளது.
இந்நிலையில், காவந்தி யானையின் உயிரிழப்பு தொடர்பில் நீதிமன்றத்துக்கு அறிவிக்கப்பட்டுள்ளதுடன், சுதந்திரமான பிரேதப் பரிசோதனையை மேற்கொள்வதற்கான நடவடிக்கைகளும் முன்னெடுக்கப்பட்டுள்ளன.
யானையின் உயிரிழப்புக்கான காரணத்தை உறுதிப்படுத்துவதற்கும், சம்பவம் தொடர்பான மேலதிக உண்மைகளைக் கண்டறிவதற்கும் விசாரணைகள் தொடர்ந்து முன்னெடுக்கப்பட்டு வருகின்றன.
பிரேதப் பரிசோதனை மற்றும் மேலதிக விசாரணைகளின் முடிவுகளின் அடிப்படையிலேயே யானையின் உயிரிழப்பு தொடர்பான முழுமையான விபரங்களை உறுதிப்படுத்த முடியும் என அமைச்சர் தெரிவித்துள்ளார்.
