கியூபெக் மாகாணத்தில் கடுமையான தேர்தல் தோல்வியைச் சந்தித்துள்ள கோலிஷன் அவெனிர் கியூபெக் (CAQ) கட்சியின் இடைக்காலத் தலைவராக மாத்தியூ லெவெக் (Mathieu Lévesque) நியமிக்கப்பட்டுள்ளார்.
ஒட்டாவா பிராந்தியத்தில் உள்ள சாப்லூ (Chapleau) தொகுதியின் முன்னாள் சட்டமன்ற உறுப்பினரான மாத்தியூ லெவெக், கோலிஷன் அவெனிர் கியூபெக் (CAQ) கட்சியின் இடைக்காலத் தலைவராக ஏகமனதாக அறிவிக்கப்பட்டுள்ளார்.
தொழிலால் வழக்கறிஞரான இவர், கடந்த ஏப்ரல் முதல் அக்டோபர் 2026 வரை இளையோர் நலத்துறை அமைச்சராகவும், பிரதேசங்களுக்கான இணை அமைச்சராகவும் பதவி வகித்துள்ளார்.
மேலும், இவர் ’கோலிஷன் அவெனிர் கியூபெக்’ (CAQ) கட்சியின் ஸ்தாபக உறுப்பினர்களில் ஒருவராவார்.
கட்சியின் தேர்தல் தோல்வியைத் தொடர்ந்து தலைவர் பதவியிலிருந்து விலகிய கிறிஸ்டின் ஃப்ரெசெட்டிற்குப் (Christine Fréchette) பதிலாக லெவெக் இந்தப் பொறுப்பை ஏற்றுள்ளமை குறிப்பிடத் தக்கது.
