நிகில் முரளி இயக்கத்தில் நடிகர் ஆர்யா, நிகிலா விமல் மற்றும் வைஷ்ணவி சைதன்யா ஆகியோர் நடித்துள்ள ‘ஹலோ காதல்’ திரைப்படத்தின் அதிகாரப்பூர்வ டிரெய்லர் நாளை மாலை 5 மணிக்கு வெளியாகவுள்ளது.
நீண்ட இடைவெளிக்குப் பிறகு ஆர்யா முழுநீள ரொமான்டிக் காமெடி படத்தில் நடித்துள்ளார். ஆர்யாவை கதாநாயகிகளான நிகிலா விமல் மற்றும் வைஷ்ணவி சைதன்யா தூக்கிப் பிடித்திருப்பது போன்ற போஸ்டரை வெளியிட்டு, டிரெய்லர் வெளியீட்டைப் படக்குழு அறிவித்துள்ளது.
ஆர்யாவின் 40ஆவது திரைப்படமாக உருவாகியுள்ள இப்படத்தில் முரளி சர்மா, ஜெயப்பிரகாஷ் உள்ளிட்டோரும் முக்கிய கதாபாத்திரங்களில் நடித்துள்ளனர். இப்படம் தமிழில் ‘ஹலோ காதல்’ என்றும், தெலுங்கில் ‘ஹலோ பிரேமா’ என்றும் வெளியாகவுள்ளது. முன்னதாக வெளியான ‘கண்ணும் கண்ணும்’ மற்றும் ‘நிறைவே’ ஆகிய பாடல்கள் ரசிகர்களிடையே வரவேற்பைப் பெற்றுள்ளன.
சுனு ஏ.வி. மற்றும் ஜோதிஷ் எம். கதை எழுதியுள்ளனர்; இயக்குநர் ஹலிதா ஷமீம் கூடுதல் திரைக்கதை மற்றும் தமிழ் வசனங்களை எழுதியுள்ளார்.
ஜி.வி. பிரகாஷ் குமார் இசையமைத்துள்ள இப்படத்திற்கு ஜீவா சங்கர் ஒளிப்பதிவு செய்துள்ளார். பினு நெப்போலியன் படத்தொகுப்பையும், ஏ.ஆர். மோகன் கலை இயக்கத்தையும் மேற்கொண்டுள்ளனர். ஆர்யாவின் ‘The Show People’ மற்றும் ‘சில்வர் கிரெய்ன் பிக்சர்ஸ்’ (Silver Grain Pictures) நிறுவனங்கள் இணைந்து இப்படத்தைத் தயாரித்துள்ளன. ஆடியோ உரிமையை திங்க் மியூசிக் பெற்றுள்ளது.
இத்திரைப்படம் வரும் டிசம்பர் 4ஆம் திகதி உலகம் முழுவதும் திரையரங்குகளில் வெளியாகவுள்ளது.











