இலங்கைக்கான பிரித்தானிய உயர்ஸ்தானிகர் அன்ட்ரூ பெட்ரிக் (Andrew Patrick) மற்றும் ஜனாதிபதியின் செயலாளர், கலாநிதி நந்திக சனத் குமாநாயக்க இடையில் சந்திப்பொன்று இடம்பெற்றுள்ளது.
இந்த சந்திப்பு நேற்று(06) ஜனாதிபதி செயலகத்தில் நடைபெற்றுள்ளது.
ஊழல் மோசடிகளை மட்டுப்படுத்த பிரித்தானியாவில் உள்ள உள்ளூராட்சி நிறுவன முறைமை தொடர்பில் இதன்போது ஆராயப்பட்டது.
இருநாடுகளுக்கு இடையிலான இருதரப்பு உறவுகளை மேலும் வலுவாக தொடர்ந்தும் முன்னெடுத்துச் செல்ல எதிர்பார்ப்பதாக பிரித்தானிய உயர்ஸ்தானிகர் இதன்போது தெரிவித்தார்.
சர்வதேச நாணய நிதியத்துடனான வேலைத்திட்டத்தை பிரித்தானிய அரசாங்கம் பாராட்டுவதாகவும் ஊழல் மோசடிகளை ஒழிப்பதற்கான அரசாங்கத்தின் திட்டத்திற்கு ஒத்துழைப்பு வழங்குவதுடன் அரசாங்கத்தின் வருமானத்தை அதிகரிப்பதற்கான உதவிகளை வழங்கத் தயாரெனவும் பிரித்தானிய உயர்ஸ்தானிகர் மேலும் தெரிவித்துள்ளார்.
