சூப்பர் ஸ்டார் ரஜினிகாந்த் நடிப்பில் பிரம்மாண்டமாக உருவாகி வரும் ‘தர்மன்’ திரைப்படத்தின் இரண்டாம் கட்டப் படப்பிடிப்பு சென்னையில் கோலாகலமாகத் தொடங்கியுள்ளது. உலகநாயகன் கமல்ஹாசனின் ‘ராஜ் கமல் ஃபிலிம்ஸ் இன்டர்நேஷனல்’ (RKFI) நிறுவனம் தயாரிக்கும் இத்திரைப்படத்தை, ‘ஓ மை கடவுளே’ மற்றும் ‘டிராகன்’ படங்களின் வெற்றி இயக்குனர் அஷ்வத் மாரிமுத்து இயக்கி வருகிறார்.
சென்னையில் தொடங்கியுள்ள இந்த புதிய ஷெட்யூலில், ரஜினிகாந்த் பங்கேற்கும் ஒரு பிரம்மாண்டமான பாடல் காட்சி படமாக்கப்பட்டு வருகிறது. இப்படத்தில் அவர் ஒரு மருத்துவர் கதாபாத்திரத்தில் நடிக்க உள்ள நிலையில், இயக்குனர் ‘ஆக்ஷன்’ எனக் கூறியதும் ரஜினி தனது வழக்கமான கம்பீரத்துடனும் தனித்துவமான ஸ்டைலுடனும் நடிக்கும் மாஸான வீடியோ ஒன்றை படக்குழுவினர் அதிகாரப்பூர்வமாக வெளியிட்டு ரசிகர்களை உற்சாகப்படுத்தியுள்ளனர்.
இப்படத்தில் கதாநாயகியாக சிம்ரன் நடிக்கிறார். ‘பேட்ட’ படத்திற்குப் பிறகு ரஜினிகாந்துடனும், ‘பஞ்சதந்திரம்’ மற்றும் ‘பம்மல் கே சம்பந்தம்’ படங்களுக்குப் பிறகு கமல்ஹாசனுடனும் இவர் மீண்டும் இணைந்துள்ளார்.
மேலும் ராஷி கண்ணா, யோகி பாபு உள்ளிட்டோர் முக்கியக் கதாபாத்திரங்களில் நடிக்கின்றனர். அனிருத் இசையமைக்கும் இத்திரைப்படத்திற்கு நிகேத் பொம்மி ஒளிப்பதிவையும், பிரதீப் இ ராகவ் படத்தொகுப்பையும், அன்பரிவ் சகோதரர்கள் சண்டைப்பயிற்சியையும் மேற்கொள்கின்றனர்.
