பிரபல முன்னணி நடிகர் துல்கர் சல்மான் நடிப்பில் பெரும் எதிர்பார்ப்பை ஏற்படுத்தியுள்ள ‘ஐ அம் கேம்’ (I’m Game) திரைப்படத்தின் திரையரங்க வெளியீடு ஒத்திவைக்கப்பட்ட பின் இப்போது புதிய ரிலீஸ் தேதியை படக்குழுவினர் அதிகாரப்பூர்வமாக அறிவித்துள்ளனர்.
முன்னதாக ஓணம் பண்டிகையைக் கொண்டாடும் வகையில் வரும் ஆகஸ்ட் 20-ஆம் தேதி இத்திரைப்படம் திரைக்கு வரும் என அறிவிக்கப்பட்டிருந்தது. ஆனால், பான்-இந்திய அளவில் இப்படத்தை மலையாளம், தமிழ், தெலுங்கு, இந்தி மற்றும் கன்னடம் ஆகிய ஐந்து மொழிகளில் ஒரே நேரத்தில் பிரம்மாண்டமாக வெளியிடத் திட்டமிட்டுள்ளதால், படத்தின் ரிலீஸ் தேதியை செப்டம்பர் 3-ஆம் தேதிக்குத் தள்ளிவைப்பதாகத் தயாரிப்பு நிறுவனம் தெரிவித்து ரசிகர்களிடம் மன்னிப்புக் கேட்டுக்கொண்டுள்ளது.
‘ஆர்.டி.எக்ஸ்’ திரைப்படத்தின் மூலம் புகழ்பெற்ற இயக்குனர் நஹாஸ் ஹிதாயத் இயக்கியுள்ள இத்திரைப்படத்தை ‘வேஃபேரர் ஃபிலிம்ஸ்’ நிறுவனம் பிரம்மாண்டமாகத் தயாரித்துள்ளது. இதில் துல்கர் சல்மானுடன் இணைந்து கயாடு லோகர், ஆண்டனி வர்கீஸ் மற்றும் முன்னணி இயக்குனர் மிஷ்கின் உள்ளிட்ட பலர் முக்கியக் கதாபாத்திரங்களில் நடித்துள்ளனர். உயர்தர ஆக்ஷன் திரில்லர் பாணியில் உருவாகியுள்ள இத்திரைப்படம், வரும் செப்டம்பர் மாதத் தொடக்கத்தில் உலகமெங்கும் உள்ள திரையரங்குகளில் வெளியாகவுள்ளது.
