‘முண்டாசுப்பட்டி’ மற்றும் ‘ராட்சசன்’ ஆகிய வெற்றிப் படங்களை இயக்கிய ராம் குமார் இயக்கத்தில், நடிகர் விஷ்ணு விஷால் மற்றும் நடிகை மமிதா பைஜூ நடிப்பில் உருவாகியுள்ள ‘இரண்டு வானம்’ திரைப்படம் எதிர்வரும் அக்டோபர் 23ஆம் திகதி திரையரங்குகளில் வெளியாகும் என படக்குழு அறிவித்துள்ளது.
சத்யஜோதி ஃபிலிம்ஸ் சார்பில் டி.ஜி. தியாகராஜன் தயாரித்துள்ள இத்திரைப்படத்திற்கு திபு நினன் தாமஸ் இசையமைத்துள்ளார்.
காதல் கதையை மையமாகக் கொண்டு உருவாக்கப்பட்டுள்ளதாகத் தெரியவரும் இத்திரைப்படத்தில் நடித்துள்ள ஏனைய நடிகர்கள் குறித்த விபரங்கள் இதுவரை வெளியாகவில்லை.
மேலும், இப்படத்தின் முதலாவது பாடல் அண்மையில் வெளியாகி ரசிகர்களிடையே நல்ல வரவேற்பைப் பெற்றிருந்தது.
முன்னதாகப் பல வெற்றிப் படங்களைக் கொடுத்த நடிகர் விஷ்ணு விஷால் மற்றும் இயக்குநர் ராம் குமார் இணையும் மூன்றாவது திரைப்படம் இதுவென்பதால், ‘இரண்டு வானம்’ திரைப்படத்தின் மீது ரசிகர்களிடையே பெரும் எதிர்பார்ப்பு நிலவி வருகின்றது.
