ஸ்பெயினில் நிலவும் கடுமையான வீட்டுமனை நெருக்கடியைத் தீர்ப்பதற்காக அரசாங்கம் கொண்டுவந்த அவசரச் சட்டமூலத்தை நாடாளுமன்றம் இன்று(வெள்ளிக்கிழமை) நிராகரித்தது.
இதனைத் தொடர்ந்து, நாடு முழுவதும் போராட்டங்களைத் தொடரப் போவதாகவும், தலைநகர் மத்ரித்தின் மத்திய பகுதியில் அமைத்துள்ள முகாம்களை விரிவாக்கப் போவதாகவும் போராட்டக்காரர்கள் அறிவித்துள்ளனர்.
87 வயதான மாரிகார்மென் அபாஸ்கல் எனும் வயது முதிர்ந்த பெண் வீட்டை விட்டு வெளியேற்றப்பட்ட சம்பவம் மக்கள் மத்தியில் பெரும் கொந்தளிப்பை ஏற்படுத்தியது.
இதனையடுத்தே, பாதிக்கப்படக்கூடிய வாடகைதாரர்களை 2030 ஆம் ஆண்டு வரை வீட்டை விட்டு வெளியேற்றத் தடை விதித்தல், தற்போதுள்ள வாடகை ஒப்பந்தங்களுக்கு இரண்டு ஆண்டுகள் கட்டண உயர்வுத் தடை மற்றும் குறுகிய கால வாடகைகளுக்குக் கடுமையான விதிகளை அறிமுகப்படுத்துதல் ஆகிய திட்டங்களை உள்ளடக்கிய சட்டமூலத்தை சிறுபான்மை அரசாங்கம் கொண்டுவந்தது.
எனினும், ஸ்பெயினின் கேட்டலிஸ்ட் கட்சியான ‘ஜுன்ட்ஸ்’ (Junts) மற்றும் எதிர்க்கட்சியான ‘பிப்பீ’ (People’s Party) ஆகியவை இச்சட்டமூலத்திற்கு எதிராக வாக்களித்தன.
இந்த யோசனைகள் வீடுகளின் விநியோகத்தைக் குறைத்து நிலைமையை மேலும் மோசமாக்கும் என அவை வாதிட்டன.
சட்டமூலம் நிராகரிக்கப்பட்டதையடுத்து, பொது வேலைநிறுத்தத்தை இலக்காகக் கொண்டு போராட்டங்கள் தொடரும் என குடியேற்றவாசிகளின் தொழிற்சங்கம் (Tenants’ Union) தெரிவித்துள்ளது.
ஸ்பெயினில் கடந்த பத்தாண்டுகளில் வாடகைக் கட்டணங்கள் இரட்டிப்பாகியுள்ளன.
இளைஞர் ஒருவரின் சராசரி சம்பளத்தில் 98.7 சதவீதமான 1,176 யூரோக்கள் வாடகைக்கே செலவாகுவதாக ஸ்பெயின் இளைஞர் பேரவை தெரிவித்துள்ளது.
இச்சட்டமூலம் தோல்வியடைந்ததைத் தொடர்ந்து, பிரதமர் பெட்ரோ சான்செஸ் நவம்பர் மாதத்தில் திடீர் பொதுத்தேர்தலை அறிவிக்கக்கூடும் என ஊடகங்கள் செய்தி வெளியிட்டுள்ளன.
இருப்பினும், இது குறித்து கருத்து தெரிவிக்க பிரதமர் அலுவலகம் மறுத்துவிட்டது.
