யாழ்ப்பாணம் – வடமராட்சி கிழக்கு, தாளையடி சந்திப் பகுதியில் இன்று (11.10.2026) பிற்பகல் முச்சக்கர வண்டி ஒன்றும் மற்றொரு வாகனமும் மோதி விபத்துக்குள்ளாகியுள்ளன.
குறித்த விபத்தில் முச்சக்கர வண்டியில் பயணித்தவர்கள் மயிரிழையில் உயிர் தப்பியுள்ளதாகத் தெரிவிக்கப்படுகிறது.
விபத்து குறித்து தெரியவருவதாவது, கட்டைக்காடு பகுதியில் இருந்து செம்பியன்பற்று வடக்கு நோக்கிப் பயணித்த வாகனமும், புதுக்காட்டுப் பகுதியில் இருந்து தாளையடி கடற்கரை நோக்கிப் பயணித்த முச்சக்கர வண்டியும் தாளையடி சந்திப் பகுதியில் ஒன்றோடொன்று மோதியுள்ளன.
இந்த மோதலின்போது முச்சக்கர வண்டி பலத்த பொருட்சேதத்திற்கு உள்ளாகியுள்ளது.
அத்துடன், விபத்தில் பாதிக்கப்பட்டவர்கள் உடனடியாக மருதங்கேணி வைத்தியசாலைக்கு அழைத்துச் செல்லப்பட்டனர்.
பின்னர் அங்கிருந்து அவர்கள் மேலதிக சிகிச்சைக்காக மந்திகை வைத்தியசாலைக்கு அனுப்பி வைக்கப்பட்டுள்ளனர்.
இவ்விபத்து தொடர்பான மேலதிக விசாரணைகளை மருதங்கேணிப் பொலிஸார் மேற்கொண்டு வருகின்றனர்.
