கொழும்பு துறைமுக நகரப் பகுதியில் உள்ள தொழிலாளர் தங்குமிடம் ஒன்றிற்கு அருகில், கூர்மையான ஆயுதத்தால் தாக்கப்பட்டதில் ஒருவர் உயிரிழந்துள்ளார்.
தாக்குதலில் பலத்த காயமடைந்த அவர், மருத்துவமனையில் அனுமதிக்கப்பட்ட பின்னர் உயிரிழந்ததாகத் தெரிவிக்கப்படுகிறது.
உயிரிழந்தவரின் அடையாளம் இதுவரை உறுதிப்படுத்தப்படவில்லை என்று பொலிஸார் தெரிவித்தனர்.
இரு குழுக்களுக்கு இடையே ஏற்பட்ட வாக்குவாதம் முற்றியதைத் தொடர்ந்தே கூர்மையான ஆயுதத்தால் தாக்கும் இந்தச் சம்பவம் நிகழ்ந்ததாக ஆரம்பக்கட்ட விசாரணைகள் மூலம் தெரியவந்துள்ளது.
இச்சம்பவம் தொடர்பாக 26 வயதுடைய சந்தேகநபர் ஒருவர் கைது செய்யப்பட்டுள்ள நிலையில், கொழும்பு துறைமுகப் பொலிஸார் மேலதிக விசாரணைகளை மேற்கொண்டு வருகின்றனர்.
