யாழ்ப்பாணத்திற்கு விஜயம் செய்துள்ள இலங்கைக்கான கியூபா தூதுவர் பெகோ குவேரா, கந்தர்மடத்தில் அமைந்துள்ள தேசிய மக்கள் சக்தியின் நூலகத்திற்கு விஜயம் செய்துள்ளார்.
நேற்று ஞாயிற்றுக்கிழமை இடம்பெற்ற இந்த விஜயத்தின்போது, நூலகத்தைப் பார்வையிட்ட தூதுவர், தேசிய மக்கள் சக்தியின் கல்விப் பிரிவு முன்னெடுத்து வரும் செயற்பாடுகள் தொடர்பாகக் கேட்டறிந்துகொண்டார்.
குறிப்பாக, கல்விசார் நடவடிக்கைகள் மற்றும் பொதுமக்களுக்கான சேவைகள் எவ்வாறு முன்னெடுக்கப்படுகின்றன என்பது குறித்தும் அவர் தகவல்களைப் பெற்றுக்கொண்டார்.
இந்தச் சந்திப்பில் நாடாளுமன்ற உறுப்பினர் க. இளங்குமரன் உள்ளிட்ட தேசிய மக்கள் சக்தியின் கல்விப் பிரிவுக்குப் பொறுப்பானவர்கள் கலந்துகொண்டனர்.
இதன்போது, தேசிய மக்கள் சக்தி அரசாங்கம் கடந்த இரண்டு ஆண்டுகளில் முன்னெடுத்த வேலைத்திட்டங்கள் தொடர்பான ஆவணமும் கியூபா தூதுவரிடம் கையளிக்கப்பட்டது.
இலங்கைக்கான கியூபா தூதுவரின் இந்த விஜயத்தின்போது, தேசிய மக்கள் சக்தியின் கல்விசார் செயற்பாடுகள் மற்றும் மக்கள் நலப் பணிகள் தொடர்பாகக் கலந்துரையாடப்பட்டுள்ளன.
