யாழ்ப்பாணத்தில் தொடர்ச்சியாகப் பெய்து வரும் மழை காரணமாக, யாழ்ப்பாணம் போதனா வைத்தியசாலையின் சுவாசத் தொகுதி சிகிச்சைப் பிரிவு இடமாற்றம் செய்யப்பட்டுள்ளதாக வைத்தியசாலைப் பணிப்பாளர் த. சத்தியமூர்த்தி தெரிவித்துள்ளார்.
இதன்படி, குறித்த சிகிச்சைப் பிரிவு தற்போது வைத்தியசாலையின் மூன்றாம் இலக்க நுழைவாயிலுக்கு அருகில் மாற்றப்பட்டுள்ளது.
எனவே, சுவாசத் தொகுதி சிகிச்சைப் பிரிவின் சேவைகளைப் பெற்றுக்கொள்ள வரும் நோயாளர்கள், மூன்றாம் இலக்க நுழைவாயில் ஊடாக வைத்தியசாலைக்குள் பிரவேசித்து சேவைகளைப் பெற்றுக்கொள்ளுமாறு பணிப்பாளர் கேட்டுக்கொண்டுள்ளார்.
தொடர்ச்சியான மழையால் ஏற்பட்டுள்ள சூழ்நிலையைக் கருத்திற்கொண்டு, நோயாளர்கள் இந்த மாற்றத்தைக் கவனத்தில் கொண்டு வைத்தியசாலைக்குச் செல்லுமாறு அறிவுறுத்தப்பட்டுள்ளனர்.
