நீண்டகாலமாகத் தீர்க்கப்படாமல் உள்ள பல்வேறு கோரிக்கைகளை முன்வைத்து அரச மருத்துவ அதிகாரிகள் சங்கத்தினால் நாடளாவிய ரீதியில் நேற்று முதல் முன்னெடுக்கப்பட்டு வரும் போராட்டத்தின் ஒரு அங்கமாக, கிளிநொச்சி மாவட்ட பொது வைத்தியசாலை மருத்துவர்களினால் இன்று போராட்டம் முன்னெடுக்கப்பட்டது.
மருத்துவர்களின் சம்பள உயர்வு மற்றும் பொருளாதார நெருக்கடியின் போது குறைக்கப்பட்ட மேலதிக பணி மற்றும் விடுமுறைக்காலக் கொடுப்பனவுகளை மீண்டும் வழங்க வேண்டும் என்பன பிரதான கோரிக்கைகளாக முன்வைக்கப்பட்டுள்ளன.
அத்துடன், மருத்துவமனைகளில் நிலவும் மருத்துவர்கள் மற்றும் சுகாதாரப் பணியாளர்கள் பற்றாக்குறையை உடனடியாக நிவர்த்தி செய்யும் வகையில் ஆள்தேர்வு செய்யப்பட வேண்டும், தங்குதடையின்றி மருந்துகளை வழங்க வேண்டும் மற்றும் மருத்துவமனைகளின் அடிப்படை வசதிகளை மேம்படுத்த வேண்டும் என்றும் வலியுறுத்தப்பட்டுள்ளது.
மேலும், 2027 வரவு – செலவுத் திட்டம் தொடர்பாக ஜனாதிபதி அநுர குமார திசாநாயக்க, பிரதமர் ஹரிணி அமரசூரிய மற்றும் சுகாதார அமைச்சர் ஆகியோருடன் பேச்சுவார்த்தை நடத்த விடுத்த கோரிக்கைகளுக்கு உரிய பதில் கிடைக்காமையும் இப்போராட்டத்திற்கான முக்கிய காரணமாக சுட்டிக்காட்டப்பட்டுள்ளது.
கிளிநொச்சி மாவட்ட பொது வைத்தியசாலையில் இடம்பெற்ற இப்போராட்டத்தில் அரச மருத்துவ அதிகாரிகள் சங்கத்தின் வடமாகாண இணைப்பாளர் கதிரமலை உமாசுதன் உள்ளிட்ட மருத்துவர்கள் கலந்துகொண்டனர்.
FACEBOOK CAPTION:
