நாட்டிற்கு சுற்றுலா பயணிகளின் வருகை தொடர்பில் தற்போது அறிவிக்கப்பட்டுள்ளது.
இதன்படி மூன்றாவது ஆண்டாக 20 இலட்சம் சுற்றுலாப் பயணிகளின் வருகையைப் பதிவு செய்து புதிய மைல்கல்லை எட்டியுள்ளது.
இன்று (நவம்பர் 20) இந்த இலக்கை எட்டியுள்ள நிலையில், 20 இலட்சமாவது சுற்றுலாப் பயணியாக ரஷ்யாவைச் சேர்ந்த பெண் ஒருவர் தனது குடும்பத்துடன் இலங்கைக்கு வருகை தந்துள்ளார்.
2024ஆம் ஆண்டு டிசம்பர் 26ஆம் திகதியும், 2025ஆம் ஆண்டு நவம்பர் 17ஆம் திகதியும் இலங்கை இந்த இலக்கை எட்டியிருந்தது.
மத்திய கிழக்கு மோதல், விமானப் போக்குவரத்து இடையூறுகள் மற்றும் உலகளாவிய பொருளாதார நெருக்கடிகளுக்கு மத்தியிலும் இந்தச் சாதனை எட்டப்பட்டுள்ளதாக சுற்றுலாத்துறை பிரதி அமைச்சர் ருவன் ரணசிங்க தெரிவித்துள்ளார்.
மேலும், இம்மாதம் 10ஆம் திகதி முதல் 20ஆம் திகதி வரை நாளொன்றுக்கு சராசரியாக 7,480 சுற்றுலாப் பயணிகள் இலங்கைக்கு வருகை தந்துள்ளனர். இது கடந்த ஆண்டின் இதே காலப்பகுதியுடன் ஒப்பிடுகையில் 4.9 சதவீத அதிகரிப்பாகும்.
இந்த ஆண்டின் இறுதிக்குள் 2025ஆம் ஆண்டின் மொத்த சுற்றுலாப் பயணிகள் வருகை எண்ணிக்கையை விஞ்சுவதே அரசாங்கத்தின் அடுத்த இலக்காகும் எனவும் அவர் தெரிவித்துள்ளார்.











