பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு மீண்டும் ஜனாதிபதி பொதுமன்னிப்பு வழங்கக் கோரி, 50 இலட்சம் பேரிடம் கையெழுத்துகளைப் பெறும் பிரசாரம் இன்று ஆரம்பிக்கப்பட்டுள்ளது.
இந்த கையெழுத்து திரட்டும் நடவடிக்கை, அனுராதபுரம் மிஹிந்தலை புனித பூமியில் ஆரம்பிக்கப்பட்டுள்ளது.
மிஹிந்தலை ரஜமஹா விகாரையின் விகாராதிபதி உள்ளிட்ட மகா சங்கத்தினர், முதற்கட்டமாக மனுவில் கையெழுத்திட்டுள்ளனர்.
நீதிமன்ற அவமதிப்பு வழக்கில் ஞானசார தேரருக்கு விதிக்கப்பட்ட ஆறு ஆண்டுகள் சிறைத்தண்டனையிலிருந்து, அப்போதைய ஜனாதிபதி மைத்திரிபால சிறிசேன 2019ஆம் ஆண்டு பொதுமன்னிப்பு வழங்கி அவரை விடுதலை செய்திருந்தார்.
எனினும், அந்தப் பொதுமன்னிப்பு சட்டரீதியாக செல்லுபடியாகாது என உயர் நீதிமன்றம் கடந்த செப்டம்பர் 10ஆம் திகதி தீர்ப்பளித்திருந்தது.
இந்த நிலையில், ஞானசார தேரருக்கு மீண்டும் சட்டரீதியான நடைமுறைகளுக்கு அமைய ஜனாதிபதி பொதுமன்னிப்பு வழங்க வேண்டும் எனக் கோரி இந்த கையெழுத்து திரட்டும் நடவடிக்கை முன்னெடுக்கப்பட்டுள்ளது.
திரட்டப்படும் கையெழுத்துகளுடன் கூடிய மனுவை, மகாநாயக்க தேரர்கள் ஊடாக ஜனாதிபதியிடம் கையளிக்க நடவடிக்கை எடுக்கப்படும் என மிஹிந்தலை ரஜமஹா விகாரையின் விகாராதிபதி தெரிவித்துள்ளார்.
