யாழ்ப்பாணம், கைதடியில் அமைந்துள்ள மாற்றுத்திறனாளிகள் பாடசாலையில் கல்வி பயிலும் 15 வயதுடைய மாணவர் ஒருவர் தாக்குதலுக்கு உள்ளாகியுள்ளதாகத் தெரிவிக்கப்படுகிறது.
மட்டக்களப்பு பகுதியைச் சேர்ந்த குறித்த மாணவன், பாடசாலை மாணவர் விடுதியில் தங்கியிருந்து கல்வி கற்று வருகின்றார்.
இந்நிலையில், நேற்று இடம்பெற்றதாகக் கூறப்படும் தாக்குதல் சம்பவத்தில் காயமடைந்த மாணவன், சாவகச்சேரி ஆதார வைத்தியசாலையில் அனுமதிக்கப்பட்டு சிகிச்சை பெற்று வருகின்றார்.
இந்தச் சம்பவம் தொடர்பாக சாவகச்சேரி பொலிஸாரின் கவனத்திற்குக் கொண்டு செல்லப்பட்டுள்ளதுடன், பொலிஸார் கிராம சேவகருக்கும் தகவல் வழங்கியுள்ளனர்.
சம்பவம் தொடர்பில் மேலதிக விசாரணைகள் முன்னெடுக்கப்பட்டு வருகின்றமை குறிப்பிடத்தக்கது.
