அமெரிக்க இடைக்காலத் தேர்தல் நெருங்கிவரும் நிலையில், கனடா – அமெரிக்க வர்த்தக எதிர்காலம் குறித்து அமெரிக்க அதிபர் டொனால்ட் ட்ரம்புடன் தாம் ஒரு நல்ல உரையாடலை மேற்கொண்டதாக பிரதமர் மார்க் கார்னி தெரிவித்துள்ளார்.
கனடாவுக்கும் அமெரிக்காவுக்கும் இடையிலான சாத்தியமான வர்த்தக ஒப்பந்தம் தொடர்பில் அண்மையில் நடைபெற்ற ஆக்கபூர்வமான விவாதங்களின் அடிப்படையிலேயே இந்தப் புதிய உரையாடல் அமைந்துள்ளதாகப் பிரதமர் மார்க் கார்னி குறிப்பிட்டுள்ளார்.
இரு நாடுகளுக்கும் இடையே நிலவும் வர்த்தக உறவுகளை மேம்படுத்துவது குறித்தும், வர்த்தக ஒப்பந்தம் தொடர்பான கட்டமைப்பு வளைவுகளை உருவாக்குவது குறித்தும் இந்த உரையாடலில் கவனம் செலுத்தப்பட்டதாக அவர் தெரிவித்தார்.
இதற்கமைய, இரு நாடுகளின் வர்த்தகக் குழுக்களும் வரவிருக்கும் வாரங்களில் இணைந்து பணியாற்றி உரிய முடிவுகளை எட்டவுள்ளதாகவும் அவர் மேலும் தெரிவித்தார்.
அமெரிக்க இடைக்காலத் தேர்தலுக்கு இன்னும் சில நாட்களே உள்ள நிலையில், இரு நாட்டுத் தலைவர்களுக்கும் இடையே இந்த முக்கிய உரையாடல் நிகழ்ந்துள்ளது.
முன்னதாக, அமெரிக்க இடைக்காலத் தேர்தலில் கனேடியத் தரப்பு தலையிடுவதாக ட்ரம்ப் நிர்வாகத்தின் தரப்பிலிருந்து குற்றச்சாட்டுகள் முன்வைக்கப்பட்டிருந்தன.
எனினும், அந்தக் குற்றச்சாட்டுகளில் எந்தவித உண்மையும் இல்லை எனப் பிரதமர் மார்க் கார்னி திட்டவட்டமாக மறுத்திருந்தமை குறிப்பிடத்தக்கது.
