கனடாவின் மொன்ட்ரியல் நகரில் வெள்ளிக்கிழமை (06.11.2026) பிற்பகல் கார் மோதிய விபத்தில் 34 வயதுடைய பெண் ஒருவர் உயிரிழந்துள்ளார்.
இச்சம்பவம் பியர்பொன்ஸ்-ரொக்ஸ்போரோ (Pierrefonds-Roxboro) பகுதியில் அமைந்துள்ள கூயின் பூலேவர்ட் (Gouin Boulevard) மற்றும் அலெக்சாண்டர் வீதி (Alexandre Street) சந்திப்பில் பிற்பகல் 5:20 மணியளவில் இடம்பெற்றுள்ளதாக மொன்ட்ரியல் நகரப் பொலிஸார் தெரிவித்துள்ளனர்.
அலெக்சாண்டர் வீதியில் வடக்கு நோக்கிச் காரைச் செலுத்தி வந்த 92 வயதுடைய முதியவர் ஒருவர், கூயின் பூலேவர்ட் வீதிக்குள் இடப்புறமாகத் திருப்ப முற்பட்ட போதே பாதசாரியான பெண் மீது கார் மோதியதாகக் கூறப்படுகிறது.
விபத்தினைத் தொடர்ந்து சாரதி தனது வாகனத்தை நிறுத்தி, பொலிஸார் வரும் வரை காத்திருந்ததாகத் தெரிவிக்கப்படுகிறது.
பொலிஸார் சம்பவ இடத்திற்கு வருகை தந்த போது, பாதிக்கப்பட்ட பெண் உடலின் கீழ் பகுதியில் பலத்த காயங்களுடன் தரையில் கிடந்துள்ளார்.
உடனடியாக அவர் மருத்துவமனைக்குக் கொண்டு செAல்லப்பட்ட போதிலும், அங்கு சிகிச்சை பலனின்றி உயிரிழந்ததாகப் பொலிஸார் உறுதிப்படுத்தியுள்ளனர்.
