பிரிட்டன் அரச குடும்பத்தின் வாரிசான இளவரசர் ஹாரி மற்றும் அவரது மனைவி மேகன் மார்க்கல் தம்பதியினர், அமெரிக்காவில் சுமார் 6 ஆண்டுகள் வசித்த பிறகு மீண்டும் பிரிட்டனில் நிரந்தரமாகக் குடியேற முடிவு செய்துள்ளனர்.
இந்த ஆகஸ்ட் மாத இறுதிக்குள் அவர்கள் அமெரிக்காவிலிருந்து புறப்பட்டு லண்டனில் தங்களது புதிய வாழ்க்கையைத் தொடங்குவார்கள் என எதிர்பார்க்கப்படுகிறது.
கடந்த 2018-ஆம் ஆண்டு திருமணத்திற்குப் பிறகு, ஊடகங்களின் அதீத தலையீடு மற்றும் அரச குடும்பத்தினருடன் ஏற்பட்ட கருத்து வேறுபாடுகள் காரணமாக 2020-ஆம் ஆண்டில் அரச பொறுப்புகளைத் துறப்பதாக இந்தத் தம்பதி அறிவித்தது.
பின்னர் அமெரிக்காவிற்கு இடம் பெயர்ந்த இவர்கள், ஊடக நேர்காணல்கள் மற்றும் சுயசரிதை மூலம் தங்களது குடும்ப முரண்பாடுகளை வெளிப்படையாகப் பகிர்ந்து கொண்டது உலக அளவில் பெரும் பரபரப்பை ஏற்படுத்தியது.
தற்போது இங்கிலாந்து திரும்பினாலும், இளவரசர் ஹாரி மற்றும் மேகன் அரச குடும்ப அதிகாரப்பூர்வப் பணிகளையோ அல்லது பொறுப்புகளையோ மீண்டும் ஏற்க மாட்டார்கள் என்றும், சாதாரணக் குடிமக்களாகவே வாழப்போவதாகவும் தெரிவிக்கப்பட்டுள்ளது.
கலிபோர்னியா மற்றும் போர்த்துகலில் உள்ள தங்களது தனிப்பட்ட சொத்துக்களை அவர்கள் தொடர்ந்து தங்கள் வசம் வைத்திருக்க உள்ளனர்.
6 ஆண்டுகளுக்குப் பிறகான இவர்களது இந்த வருகை, அரச குடும்பத்தினருடனான முறிந்த உறவைச் சீரமைக்க ஒரு புதிய வாய்ப்பாக அமையலாம் எனப் சர்வதேச ஊடகங்கள் கருத்து தெரிவித்து வருகின்றன.
