வவுனியாவில் சுமார் 5 கிலோ கிராம் எடையுடைய அம்பர்கிரிஸ் எனப்படும் திமிங்கலத்தின் வாந்தியுடன் ஒருவர் கைது செய்யப்பட்டுள்ளதாக வவுனியா பொலிஸார் தெரிவித்துள்ளனர்.
கைது செய்யப்பட்ட நபரிடமிருந்து குறித்த அம்பர்கிரிஸ் கைப்பற்றப்பட்டுள்ளதாகவும் பொலிஸார் குறிப்பிட்டுள்ளனர்.
அம்பர்கிரிஸ் என்பது திமிங்கலங்களின் செரிமானப் பாதையில் உருவாகும் அரிய பொருளாகும். இது வாசனைத் திரவியங்கள் உள்ளிட்ட சில பொருட்களின் தயாரிப்பில் பயன்படுத்தப்படுவதால் சர்வதேச சந்தையில் அதிக மதிப்பைக் கொண்டதாகக் கருதப்படுகிறது.
சம்பவம் தொடர்பில் கைதானவரிடம் மேலதிக விசாரணைகளை வவுனியா தலைமைப் பொலிஸ் நிலைய பொறுப்பதிகாரி ஜே. எஸ். ரத்னமலலா தலைமையிலான பொலிஸ் குழுவினர் முன்னெடுத்து வருகின்றனர்.
