சவுதியில் கைது செய்யப்பட்டுள்ள அனோஜனை விடுதலை செய்யுமாறு பல்வேறு தரப்பும் கூறி வரும் நிலையில், கரைச்சி பிரதேச சபை தவிசாளர் அருணாச்சலம் வேழமாலிகிதன் உள்ளிட்ட பிரதேச சபை உறுப்பினர்கள் கிளிநொச்சி நகர் ஜீம்மா பள்ளிவாசலில் மௌலவி மற்றும் பள்ளிவாசல் நிர்வாகிகள் ஆகியோருடன் இன்று கலந்துரையாடினர்.
கூட்டாக அனோஜனுக்கு மன்னிப்பளித்து விடுதலை செய்யப்பட வேண்டும் என்றும் அதற்கு சவுதி அரேபிய தூதரகம் மற்றும் இஸ்லாமிய மார்க்க தலைவர்கள் உலமாக்கள் சபை என்பவற்றின் ஊடாக இரக்கமான கோரிக்கைகளை முன் வைப்பது என்றும் இத்தகைய செயல்முறைகளில் ஒத்த உணர்வுடன் இணைந்து செயல்படுவது என்றும் முடிவு செய்யப்பட்டது.
இறுதியில் அனோஜனை விடுதலை செய்ய வேண்டி துவா பிரார்த்தனையும் நடைபெற்றது.
