மாணவ தூதுவர் செயற்திட்டத்தை சிறப்பாக நடைமுறைப்படுத்திய சிறந்த பிரதேச செயலகத்திற்கான தேசிய விருதை சங்கானை பிரதேச செயலகம் பெற்றுக்கொண்டுள்ளது.
தேசிய சிறுவர் பாதுகாப்பு அதிகாரசபையினால் நடைமுறைப்படுத்தப்பட்ட மாணவ தூதுவர் செயற்திட்டத்தின் கீழ், கொழும்பு பல்கலைக்கழக மருத்துவ பீட கேட்போர் கூடத்தில் நேற்றைய தினம் செவ்வாய்க்கிழமை நடைபெற்ற மாணவ தூதுவர் – தேசிய மாநாட்டில், சங்கானை பிரதேச செயலகதிற்கு தேசிய விருது வழங்கப்பட்டுள்ளது.
அதேவேளை மாணவ தூதுவர் செயற்திட்டத்திற்கான சிறந்த வளவாளர் விருதும், குறித்த செயற்திட்டத்தை சிறப்பாக நடைமுறைப்படுத்தியமைக்கான தேசிய சிறுவர் பாதுகாப்பு அதிகாரசபையின் சிறந்த அலுவலருக்கான விருதும் சங்கானை பிரதேச செயலகத்தின் சிறுவர் பாதுகாப்பு உத்தியோகத்தர் ர. ரவிராஜ்க்கு வழங்கப்பட்டது.
