இலங்கையின் ஆளும் கட்சியான மக்கள் விடுதலை முன்னணியின் பொதுச் செயலாளர் டில்வின் சில்வா தலைமையிலான குழுவினர் இன்று (30) டெல்லி பாஜக அலுவலகத்திற்கு விஜயம் மேற்கொண்டனர்.
அவர்களை டெல்லி பாஜக தலைவர் ஹர்ஷ் மல்ஹோத்ரா வரவேற்றார்.
பாரதிய ஜனதா கட்சியின் அழைப்பின் பேரில், செப்டம்பர் 27 முதல் ஒக்டோபர் 1 வரை JVP தூதுக்குழுவினர் மேற்கொண்டு வரும் இந்தியப் பயணத்தின் ஒரு பகுதியாகவே இந்தப் பயணம் அமைந்திருந்தது என்று பாஜகவின் அதிகாரப்பூர்வ செய்திக்குறிப்பு தெரிவிக்கிறது.
ஐந்து பேர் கொண்ட இக்குழுவில், பொதுச் செயலாளர் டில்வின் சில்வா, மத்திய குழு உறுப்பினர் சந்திரிகா அதிகாரி, நாடாளுமன்ற உறுப்பினர் அபுபக்கர் அதம்பாவா, மாவட்டக் குழு உறுப்பினர் கபிலன் சுந்தரமூர்த்தி மற்றும் சர்வதேச விவகாரப் பிரிவு உறுப்பினர் கல்பனா மதுபாஷினி ஆகியோர் இடம்பெற்றுள்ளனர்.
திங்களன்று முன்னதாக, அந்தப் பிரதிநிதிகள் குழு டெல்லியில் உள்ள கட்சியின் தலைமையகத்தில், பாஜகவின் தேசியப் பொதுச் செயலாளர் (அமைப்பு) பி.எல். சந்தோஷ் மற்றும் பிற மூத்த பாஜக தலைவர்களைச் சந்தித்தது.
இந்தப் பயணத்தின்போது, பாஜகவின் தேசியப் பொதுச் செயலாளர் (அமைப்பு) பி.எல். சந்தோஷைச் சந்திப்பதுடன், பாஜக தேசியத் தலைவர் நிதின் நபின் மற்றும் பிற மூத்த பாஜக தலைவர்களையும் அந்தப் பிரதிநிதிகள் குழு சந்திக்கத் திட்டமிடப்பட்டுள்ளது. வெளியுறவுத் துறை அமைச்சர் எஸ். ஜெய்சங்கர் மற்றும் டெல்லி முதல்வர் ரேகா குப்தா ஆகியோருடனான சந்திப்புகளும் இத்திட்டத்தில் அடங்கியுள்ளதாக பாஜகவின் செய்திக் குறிப்பு தெரிவிக்கிறது.
இந்தப் பயணத்தின்போது, பாஜகவின் தேசியப் பொதுச் செயலாளர் (அமைப்பு) பி.எல். சந்தோஷைச் சந்திப்பதுடன், பாஜக தேசியத் தலைவர் நிதின் நபின் மற்றும் பிற மூத்த பாஜக தலைவர்களையும் அந்தப் பிரதிநிதிகள் குழு சந்திக்கத் திட்டமிடப்பட்டுள்ளது.
இந்திய வெளியுறவுத் துறை அமைச்சர் எஸ். ஜெய்சங்கர் மற்றும் டெல்லி முதல்வர் ரேகா குப்தா ஆகியோருடனான சந்திப்புகளும் இத்திட்டத்தில் அடங்கியுள்ளதாக பாஜகவின் செய்திக் குறிப்பு தெரிவிக்கிறது.
பாஜக தலைமையகத்தில் அக்கட்சியின் பல்வேறு பிரிவுகள் மற்றும் துறையினருடன் கலந்துரையாடவும், இந்திய நாடாளுமன்றம் மற்றும் டெல்லி பாஜக மாநில அலுவலகத்தைப் பார்வையிடவும் அந்தப் பிரதிநிதிகள் குழு திட்டமிட்டுள்ளது.
