தென்கிழக்கு வங்கக்கடல் மற்றும் அந்தமான் கடல் பகுதியில் புதிய காற்றழுத்த தாழ்வு பகுதி உருவாக வாய்ப்புள்ளதாக இந்திய வானிலை ஆய்வு மையம் எச்சரிக்கை விடுத்துள்ளது.
வானிலை மையத்தின் கணிப்புகளின்படி, வரும் 12-ஆம் திகதி வாக்கில் அந்தமான் கடல் மற்றும் அதனை ஒட்டிய தென்கிழக்கு வங்கக்கடல் பகுதியில் ஒரு புதிய வளிமண்டல மேலடுக்கு சுழற்சி உருவாகக்கூடும் எனக் தெரிவிக்கப்பட்டுள்ளது.
இந்தச் சுழற்சியானது சாதகமான கடல் மற்றும் வளிமண்டல சூழல் காரணமாக மேலும் வலுவடைந்து, மறுநாளான 13-ஆம் திகதி வாக்கில் அதே பகுதியில் குறைந்த காற்றழுத்த தாழ்வு பகுதியாக மாற வாய்ப்புள்ளது.
இந்த வளிமண்டல மாறுதலால் வரும் நாட்களில் கடலோர மாவட்டங்கள் மற்றும் தமிழகத்தின் பல்வேறு பகுதிகளில் மழைப்பொழிவு அதிகரிக்கக்கூடும் என எதிர்பார்க்கப்படுகின்றது.
மேலும், நடப்பு மாத மத்தியில் வடகிழக்கு பருவமழை தொடங்குவதற்கான அறிகுறிகள் காணப்படும் நிலையில், இந்த புயல் சின்னத்தின் நகர்வு தமிழகம் மற்றும் புதுச்சேரியில் முக்கிய மாற்றங்களை ஏற்படுத்தும் எனவும் தெரிவிக்கப்பட்டுள்ளது.
