கடந்த முதலாம் திகதி கிளிநொச்சி உருத்திரபுரம் பகுதியில் சசிதரன் சமரழகி என்ற 17வயதான யுவதி ஒருவர் தற்கொலை செய்து கொண்டார். குறித்த யுவதி தன்னுடைய தற்கொலைக்கு காரணம் அயல் வீட்டு இளைஞன் ஒருவர் என கடிதத்தில் எழுதியிருந்தார்.
தற்கொலை செய்துக்க கொண்ட யுவதி அந்த இளைஞன் தன்னுடைய புகைப்படத்தை வைத்து தகாத உறவுக்கு அழைத்ததாக குறித்த கடிதத்தில் எழுதியிருந்தார்.
இந்த யுவதியின் இறப்புக்கு நீதி கோரியும் குறித்த யுவதி பெயர் குறிப்பிட்டவரை கைது செய்து சட்டத்தின் முன் நிறுத்துமாறு கோரியும் உருத்திரபுரம் பொது அமைப்புக்களின் ஏற்பாட்டில் கவனயீர்ப்பு போராட்டம் ஒன்று இன்று முன்னெடுக்கப்பட்டது.
பழைய மாவட்ட செயலக வளாகத்திற்கு முன்பாக கவனயீர்ப்பு போராட்டத்தில் ஈடுபட்டவர்கள் பேரணியாக மாவட்ட செயலகம் வரை சென்று தமது கோரிக்கை அடங்கிய மகஜரை கிளிநொச்சி மாவட்ட மேலதிக அரசாங்கதிபர் நளாயினி இன்பராஜ் அவர்களிடம் கையளித்திருந்தமை குறிப்பிடத்தக்கது.
