சவூதி அரேபியாவின் ரியாத் நகருக்கான விமான சேவைகளை ஸ்ரீலங்கன் எயார்லைன்ஸ் தற்காலிகமாக இடைநிறுத்தியுள்ளது.
இதன்படி, ஒக்டோபர் 18ஆம் திகதி வரை ரியாத் நகருக்கான அனைத்து விமானங்களும் இடைநிறுத்தப்பட்டுள்ளதாக இன்று வெளியான தகவல்கள் தெரிவிக்கின்றன.
ரியாத் விமான நிலையத்தைச் சுற்றியுள்ள பாதுகாப்பு நிலைமைகள் மற்றும் விமானப் போக்குவரத்து தொடர்பான செயல்பாட்டு நிலைமைகள் மதிப்பீடு செய்யப்பட்டு வருவதால் இந்தத் தீர்மானம் எடுக்கப்பட்டுள்ளது.
ரியாத் செல்லத் திட்டமிட்டுள்ள பயணிகள், விமான நிலையத்திற்குச் செல்வதற்கு முன்னர் தங்களது விமானப் பயண நிலவரத்தை விமான நிறுவனத்துடன் உறுதிப்படுத்திக்கொள்ளுமாறு அறிவுறுத்தப்படுகின்றனர்.
