முப்பீடங்களைச் சேர்ந்த மகா சங்கத்தினருக்கும் ஜனாதிபதி அநுர குமார திசாநாயக்கவுக்கும் இடையே கடந்த 08 ஆம் திகதி நடைபெற்ற கலந்துரையாடலொன்று இடம்பெற்றுள்ளது.
இதன்போது தீர்மானிக்கப்பட்டவாறு, சிறைச்சாலைகள் கட்டளைச் சட்டத்தின் கீழ் உருவாக்கப்பட்ட சட்டங்கள், விதிகள் மற்றும் நிலையான கட்டளைகளைப் புதுப்பிப்பதற்காக நியமிக்கப்பட்ட விசேட குழுவின் முதற்கட்டக் கலந்துரையாடல் நேற்று (09) பிற்பகல் ஜனாதிபதி செயலகத்தில் நடைபெற்றது.
இக்கலந்துரையாடலில் குழுவின் தலைவர், புத்தசாசன, சமய மற்றும் கலாசார அலுவல்கள் அமைச்சின் செயலாளர் பிரின்ஸ் சேனாதீர, நீதி மற்றும் தேசிய ஒருமைப்பாட்டு அமைச்சின் மேலதிக செயலாளர் பியுமந்தி பீரிஸ், பொது நிர்வாக, மாகாண சபைகள் மற்றும் உள்ளூராட்சி அமைச்சின் மேலதிக செயலாளர் வசந்த ஆரியரத்ன, பௌத்த அலுவல்கள் ஆணையாளர் நாயகம் ஆர்.எம்.ஜீ. சேனாரத்ன மற்றும் சிறைச்சாலைகள் திணைக்களத்தின் ஆணையாளர் ஒருவரான ஏ.சீ. கஜநாயக்க ஆகிய உயரதிகாரிகள் கலந்துகொண்டனர்.
இதன்போது அதற்கான கொள்கை சார்ந்த வழிகாட்டுதல்களை நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷண நாணயக்கார வழங்கினார்.
