மகாவலி நீர் பாதுகாப்பு முதலீட்டுத் திட்டத்தின் இரண்டாம் கட்டத்திற்காக, ஒபெக் சர்வதேச அபிவிருத்தி நிதியத்திடமிருந்து 60 மில்லியன் அமெரிக்க டொலர் கடனைப் பெறுவதற்கு அமைச்சரவை அங்கீகாரம் வழங்கியுள்ளது.
ஜனாதிபதி அனுர குமார திசாநாயக்க சமர்ப்பித்த இந்த முன்மொழிவின்படி, இலங்கையின் வறண்ட வலயப் பகுதிகளில் நீர் முகாமைத்துவத்தை மேம்படுத்துதல், உணவுப் பாதுகாப்பை வலுப்படுத்துதல் மற்றும் விவசாயிகளின் வாழ்வாதாரத்தை உயர்த்துதல் ஆகியவை முக்கிய நோக்கங்களாகும்.
மொத்தம் 536.5 மில்லியன் அமெரிக்க டொலர் செலவில் முன்னெடுக்கப்படவுள்ள இத்திட்டத்தின் கீழ், நீர்ப்பாசனக் கால்வாய்கள் அமைத்தல், சுரங்கப்பாதைப் பணிகளை நிறைவு செய்தல் மற்றும் நவீன நீர்ப்பாசனக் கட்டமைப்புகளை உருவாக்குதல் உள்ளிட்ட பணிகள் முன்னெடுக்கப்படவுள்ளன.
இத்திட்டத்திற்காக ஆசிய அபிவிருத்தி வங்கி ஏற்கனவே 200 மில்லியன் அமெரிக்க டொலர் நிதியுதவி வழங்க இணக்கம் தெரிவித்துள்ளமை குறிப்பிடத்தக்கது.
