மேற்கு கியூபெக் பகுதியில் பல ஆண்டுகளாக நிலவி வந்த கடும் பணியாளர் பற்றாக்குறை காரணமாக, இப்பகுதி மக்களுக்கு மருத்துவ சேவையாற்றி வந்த பாரம்பரிய மருத்துவ மையம் ஒன்று முழுமையாக மூடப்பட்டுள்ளது.
ஒட்டாவா நகருக்கு வடமேற்கே சுமார் 35 கிலோமீட்டர் தொலைவில் உள்ள வேக்ஃபீல்ட் (Wakefield) பகுதியில் இயங்கி வந்த வேக்ஃபீல்ட் குடும்ப மருத்துவ மையம் (Wakefield Family Medical Centre) தனது சேவைகளை அதிகாரப்பூர்வமாக நிறைவு செய்துள்ளது.
பல தசாப்தங்களாக அப்பகுதி மக்களுக்குச் மருத்துவ சேவைகளை வழங்கி வந்த இம்மையம், கடுமையான ஊழியர் பற்றாக்குறை மற்றும் பணியாளர் இழப்பு காரணமாக மூடப்பட்டுள்ளது.
இந்த மருத்துவ மையத்தின் பெரும்பான்மையான மருத்துவர்கள் மற்றும் பணியாளர்கள் வெளியேறியதால் ஏற்பட்ட கடுமையான நெருக்கடியே, இந்த முடிவுக்குக் காரணம் என ஊழியர்கள் தரப்பில் தெரிவிக்கப்பட்டது.
எனினும், இம் மருத்துவ மையத்தை நம்பியிருந்த சுமார் 12,000 நோயாளிகளுக்கு மாற்று ஏற்பாடுகள் செய்யப்பட்டுள்ளதாக நிர்வாகம் உறுதிப்படுத்தியுள்ளது.
