தினகரன் சிவலிங்கம் இயக்கத்தில் உருவாகியிருக்கும் திரைப்படம் தான் ‘பாட்டல் ராதா’. இப்படத்தை இயக்குனர் பா.ரஞ்சித்தின் நீலம் புரொடக்சன்ஸ் நிறுவனம் தயாரிக்கின்றது.
‘பாட்டல் ராதா’ படத்தில் குரு சோமசுந்தரம் கதாநாயகனாக நடிக்கின்றார். மேலும் சஞ்சனா நடராஜன், ஜான் விஜய் உள்ளிட்டோரும் நடித்துள்ளனர்.
ரூபேஷ் ஷாஜி படத்திட்க்கு ஒளிப்பதிவு செய்துள்ளார். ஷான் ரோல்டன் இசை அமைத்துள்ளதோடு, மகிழ்ச்சி மற்றும் பொழுதுபோக்கு நிரம்பிய எமோஷனல் ரோலர்கோஸ்டராக இந்த படம் இருக்கும் என்று படக்குழு தெரிவித்துள்ளது.
ஒரு குடிகாரனின் வாழ்க்கையில் நடக்கும் சம்பவங்கள் குறித்த கதையாக உருவாகியுள்ளது. வருகின்ற டிசம்பர் 20-ம் தேதி திரையரங்குகளில் வெளியாக உள்ளது. இந்த படத்தின் 2 பாடல்கள் வெளியாகி நல்ல வரவேற்பை பெற்றன. தற்போது “நானா குடிகாரன்” என்ற பாடல் வெளியாகியுள்ளது.
