சிரிளிய சவிய அமைப்பு தொடர்பில் இலஞ்ச ஒழிப்பு ஆணைக்குழுவினால் இன்று (07) காலை ஷிரந்தி ராஜபக்ஷ கைது செய்யப்பட்டு கொழும்பு பிரதம நீதவான் நீதிமன்றத்திற்கு அழைத்து வரப்பட்டார்.
ரிட்ஜ்வே ஆர்யா குழந்தைகள் மருத்துவமனைக்கு CT ஸ்கேனர் ஒன்றை வழங்குவதற்காக, சிரிளிய சவிய அமைப்பின் ஊடாக தேசிய சேமிப்பு வங்கியிடமிருந்து (NSB) பெறப்பட்ட 10 மில்லியன் ரூபாய் தொடர்பான குற்றச்சாட்டுகளிலேயே இந்த கைது இடம்பெற்றுள்ளது.
குறிப்பிட்ட நோக்கத்திற்காகவே இந்த நிதி பெறப்பட்ட போதிலும், அந்த CT ஸ்கேனர் மருத்துவமனைக்கு வழங்கப்படவில்லை என புலனாய்வாளர்கள் குற்றம் சுமத்துகின்றனர்.
முன்னாள் ஜனாதிபதி மஹிந்த ராஜபக்ஷவின் மனைவியான ஷிரந்தி ராஜபக்ஷ மீது, அரசாங்க நிதியை குற்றவியல் துஷ்பிரயோகம் செய்தமை மற்றும் பொதுச் சொத்துச் சட்டத்தின் கீழான குற்றங்கள் உள்ளிட்ட ஊழல் குற்றச்சாட்டுகள் சுமத்தப்பட்டுள்ளன.
